2009/07/04

مثل ... ومعنى



كلنا نستخد الأمثال لما نتكلم وهذا شي حلو ... لكن الاحلى لما تعرف قصة المثل أو معناه ... طبعاً بعض الأمثال واضح في معناه أو قصته مشهوره أو ماله قصه أصلا لكن بعضها يكون له قصه ... وبعضها الناس يستخدمونه بس ما يعرفون معناه ... ومن الأمثال اللي يستخدمها بعض الناس لكن ما يعرفون معناه هالمثل (ضرب أخماس بأسداس) لما تسأل بعض الناس ...يعنو شنو ضرب اخماس باسداس يصفقون ايدهم اليمين بايدهم الشمال .... طبعا اخماس ممكن تكون مقبوله الاصابع الخمس باليد ... ممكن .... طيب الأسداس شنو ؟؟؟... حاولت اعرف يعني شنو هالمثل لين ربك يسرها وطحت على معنى المثل بكتاب عجيب ورائع بقولكم عن اسم الكتاب وموضوعه باجر اذا الله كتبنا من الحيين ... المهم طلع شنو معنى ضرب اخماس باسداس ؟؟؟ ... شوفوا يا الطيبين ... الأخماس يعني حواس الإنسان الخمس ... زين والأسداس ؟؟؟ الأسداس هي الجهات الست !!! ... يمين وشمال وشرق وغرب ... زين هذي الجهات المعروفه وهي اربع مو ست طيب ضيفوا عليهم جهتين هم فوق وتحت صاروا ست ... هذي الأخماس وهذي الأسداس ...ومعنى المثل يضرب للإنسان (المتوهق) اللي يبذل كل جهده وطاقته بحواسه الخمس ... في كل جهه من الجهات الست ... يعني السالفة مالها علاقه بصفق الايد اليمين بالايد الشمال

هناك تعليق واحد:

  1. أصل المثل: أنَّ رجلاً كان له إبلٌ، وكان معه أولادُه رِجالاً طالتْ غُرْبتُهم عن أهليهم، فقال لهم ذات يوم: ارْعوا إبلَكم أربعًا، فرعوها أربعًا نحوَ طريق أهلهم، فلمَّا فرَغوا من ذلك قالوا له: لو رَعْيناهم خمسًا، فقال: ارعوها خمسًا، فزادوا يومًا تُجاهَ أهاليهم، فلمَّا أتَمُّوا اليوم، قالوا: لو رعيناها سِتًّا، ففطن الأب لِمَا يريدون، فقال: ما أنتم إلا ضَرْب أخماسٍ لأسداسٍ، ما هِمَّتُكم رعيُها، إنَّما هِمَّتُكم أهلكم.

    ردحذف