2009/06/25

إذا قفَلت ... قفَلت


يقولون فلان قفل لما يتمسك برأيه وبطريقه عصبيه احيانا ، ومثل ما يقولون اخوانا المصريين "ركب دماغه" . صحيح مشكله لما الواحد - أو الوحده - يقفل بسرعه لكن المشكله الأكبر لما يقفل على شي ما يسوى ، والمشكله الأكبر والأكبر ان هالقفالات منتشره بين اغلب الناس - إلا من رحم ربي وقليل ما هم - بس الناس يختلفون في سرعه ونوعية "القفله" ... ناس يقفولن بسرعه ، وناس لا والله بالهم اطول ، ناس يقفلون على اشياء تسوى وناس يقفلون على أشياء ما تسوى
واحد من ربعي الغالين واللي احبهم حيل - امدحه عشان اذا قرى هالكلام ما يقفل علي لأنه مصك الله يحفظه ويخليه لأهله - والصراحه هو باله وسيع وطيب وحبوب ومحترم حيل بس على قولتهم ...اذا قفلت ...قفلت ، المهم كنت اتسوق معاه يوم من الأيام في سوريا ودشينا محل حلويات وقفل مع راعي المحل وبغت تصير صكه لكن ربنا ستر وسبب القفله تتوقعون شنو ؟؟؟؟
كيس بلاستك ... راعي المحل نقصت عليه الاكياس ويقول ما عنده اكياس تكفي عشان يحط فيها كراتين الحلو وصاحبنا يقول له تطلع لي اكياس على العدد يعني تطلع لي قلت له يبه اخذ اكياسي وخلصنا انا اخذ الكراتين بدون كياس ... وعدت هالقفله على خير

هناك 4 تعليقات:

  1. شلون محل وما عنده جياس؟

    وحياك الله بعالم التدوين :>

    ردحذف
  2. ابو ابراهيم12 يوليو، 2009 4:43 م

    مشكور خوش مقاله , وخوش نغزه عن صاحبك العصبي .

    ردحذف
  3. بنت الديره
    عنده بس ماكفت وهذا اللي صار

    شكراً على المرور

    ردحذف
  4. ابو ابراهيم
    تشريفك لي غير ...يعتبر تشريف من النوع الثقيل بقيمته وقدره

    وبعدين صاحبي مو عصبي بس مرات ... اقول مرات تقفل معاه ...بس ترى طيب وحبوب ودي اعرفك عليه ... شرايك

    ردحذف